ઇઝરાયલી વડા પ્રધાન બેન્જામિન નેતન્યાહૂ ટ્રમ્પને અચાનક કેમ મળ્યા જાણો કારણ

ઇઝરાયલી વડા પ્રધાન બેન્જામિન નેતન્યાહૂ ટ્રમ્પને અચાનક કેમ મળ્યા જાણો કારણ

ડોનાલ્ડ ટ્રમ્પના પારસ્પરિક ટેરિફની અસર વિશ્વભરના બજારોમાં જોવા મળી રહી છે. ભારત સહિત એશિયા અને અમેરિકાના શેરબજારો તૂટી પડ્યા છે. ૫૦ થી વધુ દેશોએ ટ્રમ્પને મળવાની ઇચ્છા વ્યક્ત કરી છે. આમાં ટ્રમ્પના મિત્ર, ઇઝરાયલી વડા પ્રધાન બેન્જામિન નેતન્યાહૂનો પણ સમાવેશ થાય છે. ટેરિફના મુદ્દાઓ પર ટ્રમ્પ પાસેથી રાહત મેળવવા માટે નેતન્યાહૂ આજે અમેરિકા પહોંચ્યા છે. તેઓ થોડા કલાકોમાં ટ્રમ્પને મળી શકે છે. ઇઝરાયલી મીડિયાના અહેવાલ મુજબ હંગેરીથી ઉડાન ભર્યા પછી, નેતન્યાહૂએ યુએસ પહોંચવા માટે 400 કિલોમીટર વધારાનું ઉડાન ભર્યું. આ પાછળનું કારણ નેતન્યાહૂની ધરપકડનો ડર હોવાનું કહેવાય છે.

હંગેરીથી અમેરિકા જતી વખતે નેતન્યાહૂનું વિમાન તેના સામાન્ય રૂટથી લગભગ 400 કિલોમીટર દૂર ભટક્યું હતું જેથી તે એવા દેશોના હવાઈ ક્ષેત્રને ટાળી શકે જે આંતરરાષ્ટ્રીય ફોજદારી અદાલત (ICC) ના ધરપકડ વોરંટ લાગુ કરી શકે છે. ઇઝરાયલી અખબાર હારેટ્ઝના અહેવાલમાં આ માહિતી સામે આવી છે. હકીકતમાં, ગાઝામાં યુદ્ધ નરસંહાર દરમિયાન તેમની સામે ધરપકડ વોરંટ જારી કરવામાં આવ્યું હતું. જો નેતન્યાહૂ એવા દેશમાં મુસાફરી કરે છે જે ICC ના નિયમોનું પાલન કરે છે તો તેમની ધરપકડ થઈ શકે છે. જોકે, હંગેરીએ તેમ કર્યું નહીં.રિપોર્ટ અનુસાર, ઇઝરાયલને ડર હતો કે આયર્લેન્ડ, આઇસલેન્ડ અને નેધરલેન્ડ જેવા દેશો ICC દ્વારા જારી કરાયેલ ધરપકડ વોરંટ હેઠળ કાર્યવાહી કરી શકે છે, તેથી નેતન્યાહૂના વિમાને તેમના હવાઈ ક્ષેત્રને સંપૂર્ણપણે અવગણ્યું.